#EU2020HR Тигањ: Отворањето преговори со С. Македонија високо на приоритетите на хрватското претседавање со ЕУ
– Хрватска ќе стреми да се заземе и засилено ќе се ангажира за да ги увери државите за продолжување на пристапниот процес и да се изнајде начин и модел С. Македонија да отвори преговори – вели хрватската амбасадорка Тигањ.
Еден од приоритетите на хрватското претседавање со Европската Унија ќе биде проширувањето, а особено отворањето преговори со С. Македонија. Со оптимизам гледаме на напредок во претстојниот период и на позитивен исход. Наша намера е да го премостиме и да го деблокираме она што за жал не беше направено во октомври минатата година на Советот на ЕУ и да пронајдеме решение со кое ќе се деблокира одлуката за пристапни преговори меѓу Европската Унија и С. Македонија.
Ова во интервју за МИА го вели амбасадорката на Хрватска во земјава, Нивес Тигањ, чија земја од 1 јануари го презеде шестмесечното претседавање со Советот на ЕУ.
Таа посочи дека Хрватска веќе презема активности во овој кус перод на своето шестмесечно претседавање, на чело со премиерот Андреј Пленковиќ, во кои покажува дека дава приоритет на проширувњето, а отворањето на пристапни преговори со Северна Македонија ги става високо на скалата на хрватските приоритети во рамки на претседавањето со ЕУ.
Целосното интервју на хрватската амбасадорка во Македонија ќе биде објавено утре на МИА, заедно со видео материјалот.
Најважните информации и најинтересните случувања поврзани со хрватското претседателствување со Советот на ЕУ следете ги на блогот на Хрватски Форум, под ознака #EU2020HR.
